Detox á hótel Örk

Vellíðan og slökun

Dásamleg Detox dvöl á hótel Örk

 

Innifalið er gisting, fullt detox fæði og heilsubætandi afþreying alla daga.

 

 

 

Í detoxi felst að ákveðið mataræði er sett fyrir sem byggir aðallega á grænmeti og ávöxtum í beinu sambandi við hvíld og slökun, jóga og sund, hreyfingu og gufuböð.

Innifalið

  • Markþjálfunartími

  • Fullt detox/fastandi fæði, grænmeti og ávextir

  • Daglegar gönguferðir

  • Þakklæti og loforð

  • Jóga nidra

  • Sjálfsvinsemd

  • Valdefling

  • Heilsuræktartímar

  • Jóga

  • Núvitundarhugleiðsla

  • Verkfærakista

  • Gildaæfing

  • Útisundlaug

  • Heitir pottar

  • Gufubað

  • Kvöldvaka

  • Tebar

Boðið er upp á detox/fastandi mataræði sem er undir  480 kaloríum á dag. Kokkarnir hjá hótel Örk hafa áralanga reynslu af því að gera gómasætan og fallegan mat fyrir þessar kaloríur, þannig að við njótum hans bæði með augum og bragðlaukum. Í þessu felst að borðað er 3svar sinnum á dag. Hver máltíð samanstendur af djúsum, allskonar grænmeti og ávöxtum. Á hverjum degi má drekka vatn og te eins mikið og þú vilt.

Markmiðið er að meltingin sé í hvíld og líkaminn fái þá hreinsun sem að er stefnt. Þar sem grænmeti er mjög hitaeiningalítið, þá er hægt að borða mjög mikið af því innan þessara marka. Það kemur því flestum ánægjulega á óvart hvað það er mikill matur, hve vel þér líður á þessu mataræði og hve lítið þú finnur til svengdar. Við njótum máltíðanna út af fyrir okkur, þess á milli hafa gestir aðgang að tebar með góðu úrvali af heilsute.

 

 

Að afloknum morgunverði er boðið upp á gönguferð þar sem við njótum þess að ganga í fallegu umhverfi Hveragerðis og anda að okkur sveitaloftinu. Sundlaugin er opin allan daginn, þannig að þeir sem vilja geta byrjað daginn á hressandi sundspretti og slakað á í heitu pottunum að aflokinni gönguferð. Daglega verður boðið upp á tíma í hreyfingu eða andlegri næringu, t.d. jóga nidra, heilsuleikfimi, jóga, núvitundarhugleiðsla, framtíðarstefnumótun og margt fleira.

 

Dvölin hefst með einstaklingsmarkþjálfunartíma, þar sem farið er yfir þín markmið og væntingar til að tryggja að þú fáir það sem er þér mikilis virði á meðan á dvölinni stendur.

Á kvöldin er kvöldvaka með léttu ívafi og þá er einnig upplagt að fara í sund eða slaka á fyrir svefninn í heitu pottunum eða gufubaðinu.

Síðan er afar mikilvægt að nota þennan tíma til að vera í rólegheitum, til að slaka á, hvíla sig og njóta þess að sofa sætt og rótt. Að því sögðu, þá getur hver og einn hagað sinni dagskrá að vild og tekið þátt í því sem hann vill, valið að vera út af fyrir sig eða gera eitthvað allt annað.

Hótel Örk er fyrsta flokks hótel þar sem er að finna öll þau þægindi og þjónustu sem vænta má af fyrsta flokks hóteli. Á hótelinu er sundlaug, tveir heitir pottar og gufubað. Einnig er á hótelinu afþreyingarherbergi með pool borði, fótboltaborði, borðtennis og þythokkí. 

Herbergin á hótel Örk eru einstaklega vel útbúin. Þar má finna skrifborð og skrifborðstól, fatahengi, öryggishólf, síma, 48″ flatskjár*, ísskáp og frítt þráðlaust net. Í herbergjunum er einnig setubekkur eða smá setusvæði. Baðherbergin eru með sturtu eða baðkari með sturtuhaus, hárþurrku, ókeypis snyrtivörum og handklæði.

Hótel Örk er umkringt sveitasælu þar sem hægt er að njóta ýmiskonar útivistar t.d. gönguferða, golf, hestaferða. Hótel Örk hefur um nokkra ára skeið boðið upp á detox vikur og hafa þess vegna mikla þekkingu á þessu mataræði og hvernig best er að gera það, þannig að það sé bæði bragðgott og hollt.

 

 

 

 

 

 

 

Gestgjafinn er Þóra Valný ACC markþjálfi og verkefnastjóri sem hefur áralanga reynslu af að skipuleggja viðburði, halda utan um hópa, þjálfun og vinna með fólki í að ná árangri með því að velja það sem er þeim mikilis virði.

,,Ég hef mikla trú á föstum og hef alltaf fastað annað slagið í 2-3 daga. En í fyrra fór ég í viku detox til Póllands af því að mig hafði alltaf langað að prófa að fasta í lengri tíma og sjá hvernig mér liði af því og hvernig þetta væri. Það kom mér skemmtilega á óvart hvað mér leið vel á detox mataræðinu. Það gerir mjög mikið fyrir mann að kúpla sig svona alveg út og vera algerlega í núinu í að hugsa um sjálfan sig. Mér fannst þetta alveg dásamlegt að bara njóta þess að vera í rólegheitum, fara í gönguferðir, sund, leikfimi, drekka tebolla með sjálfum sér, lesa bók ótruflað, sofa vel og hvílast alminnilega.

Að vikunni lokinni þá fannst mér þessi reynsla standa með mér í langan tíma, mér fannst meltingin betri, líkaminn á einhvern hátt sterkari og svo svaf ég svo miklu betur. Það er mér því sönn ánægja að bjóða þetta samstarf með Hótel Örk og bjóða íslendingum upp á þessa lífsreynslu. Ég hlakka til að taka vel á móti þér og lofa því að gera allt sem í mínu valdi stendur til að þú upplifir dásamlegan tíma og snúir heim umbreytt/ur og úthvíld/ur."

 

 

 

Verð á mann:

Miðað við 1 í herbergi:

  • 1 vika = 162.000 kr. standard herbergi 

  • 1 vika = 204.000 kr. superior herbergi

 

Miðað við 2 í herbergi:

  • 1 vika = 142.000 kr. standard herbergi

  • 1 vika = 177.000 kr. superior herbergi 

 

sq38gx7wal2w5wwzwqkk.jpg
yoga_2_2.jpg
07-Hotel-Örk-outside-1108x738.jpg
20200711-131538-s_orig.jpg
129091867_143030624236266_86838420612444
Hotel-ork-golf-hotel-500x250.jpg
hotel ork.jpeg