Markmið​

Markmið námskeiðsins er að efla þig til að finna þinn eldmóð, setja þér raunveruleg

framtíðarmarkmið og styrkja til að njóta lífsins á þínum forsendum.

 

Um námskeiðið​

Til að njóta lífsins til fulls og vera best útgáfan af sjálfum sér, þá er mikilvægt að lifa í sátt við

sjálfan sig og sín gildi. Til að geta lifað í sátt við sjálfan sig, þá er mikilvægt að þekkja sjálfan sig

og iðka sjálfsvinsemd. Helstu hindranir hvers og eins eru hann sjálfur og viðhorf hans til sjálfs

síns. Með því að breyta viðhorfinu og horfa á framtíðarmöguleika sína frekar en takmarkanir

sínar, þá opnast ný vídd og fólk fer að horfa á sjálft sig og líf sitt nýjum augum.

Á námskeiðinu er farið yfir sjálfsmat hvers og eins, styrkleika og árangur. Notaðar eru aðferðir

jákvæðrar sálfræði til að horfa á það sem gott er og efla það jákvæða. Unnið verður að

framtíðarsýn, gildismati, framtíðin kortlögð og gefin verkfæri til að útbúa sína framtíð eins og

hver og einn vill.

​​

​

Meðal þess sem er kennt:

• Sjálfsvinsemd

• Gildavinna

• Að lifa gildin

• Breytingastjórnun

• Virðisgreining

• Loforðin

• Verkfærakassinn

​

Það sem þátttakendur fá á námskeiðinu​

Að námskeiði loknu hafa þátttakendur öðlast þekkingu á sjálfum sér og hvaða styrkleikum þeir

búa yfir. Þátttakandinn hefur að loknu námskeiði kortlagt hvað hann vill að hans framtíð feli í

sér og hvað hann þarf að gera til að það gangi eftir. Á námskeiðinu fá þátttakendur verkfæri til

að nýta í framtíðinni til að viðhalda því sem fer fram á námskeiðinu.

​

Fyrir hverja​

Námskeiðið hentar öllum einstaklingum sem vilja vinna í sjálfsþekkingu, uppgötva sín tækifæri,

sína hæfileika og vilja lifa lífinu til fulls.

 

Fyrirkomulag​

Námskeiðið getur verið í staðarkennslu eða fjarkennslu.

Námskeiðið er í boði á íslensku eða ensku.

Kennt í 3 skipti, 3 klst í senn = 9 klst eða sérsniðið eftir þörfum.

​

Nánar um kennarann​​

Þóra Valný hefur yfir 25 ára reynslu í stjórnun á fjármálamarkaði þar sem hún starfaði sem

fjármálaráðgjafi og stjórnandi í Prudential Englandi, Kaupþingi og Landsbankanum. Hún hefur

haldið fjölda námskeiða víðsvegar um landið um markmiðasetningu, fjármál og persónulega

stefnumótun.

Þóra Valný er viðskiptafræðingur, fjármálaráðgjafi og ACC vottaður markþjálfi með nám í

jákvæðri sálfræði.

​

​

​​