Hvernig við bregðumst við breytingum, bregðumst við öðrum, tökum ákvarðanir, eigum samskipti, veljum okkur störf, stjórnum fólki og ölum upp börnin okkar – það veltur allt á því hvernig við hugsum. Kostirnir sem fylgja því að skilja sitt eigið hugsnið eru meðal annars að mynda betri tengsl, vera virkari þátttakandi í teymisvinnu, taka ákvarðanir, vera umbyrðalyndari gagnvart sjálfum sér og öðrum. Með því að skilja sitt eigið hugsnið, þá erum við öflugri í að taka ákvarðanir sem skila þeim markmiðum sem við viljum og það gefur okkur byr undir báða vængi tl að velja í lífinu starfsferil, maka, vini, námið eða hvað eina annað sem skilar okkur uppbyggilegra og meira gefandi einkalífi og atvinnulífi.

​

Til að skilja hugsnið okkar þurfum við að nota vottað og vel rannsakað mælitæki, Neethling-hugmælitækið („Neethling Brain Instrument“), NBI™, sem veitir grunn áreiðanlegra upplýsinga um hughneigðir og skilgreiningu á heildarhugsun. NBI-greiningar hafa verið í stöðugri þróun síðan 1981 og byggja á vísindalegum grunni og viðamiklum rannsóknum. Höfundurinn er Dr. Kobus Neethling sem er með sex háskólagráður, þ.á.m. tvær meistaragráður og doktorsgráðu í greiningu og þróun á skapandi hegðun. Þúsundir ráðgjafa um allan heim nota NBI-greiningar til að skapa virðisauka fyrir viðskiptavini sína og fyrirtæki nota þær við þróun mannauðs. Einnig eru þær notaðar af háskólum í 4 heimsálfum sem hluti af inntökuferli nýnema.

 

NBI-hugsnið gefa vísbendingar um:

• hvað er okkur mikilvægt

• hvernig við tökum ákvarðanir

• hvernig við forgangsröðum

• hvernig við eigum samskipti

• hvað lætur okkur líða óþægilega

• hvaða aðstæðum okkur líður vel í

• hvernig við stundum viðskipti

• hvernig við leysum vandamál

• hvernig við myndum tengsl við annað fólk

​

Til að við getum orðið skilvirkari – bæði persónulega og í atvinnulífinu – þurfum við að skilja hughneigðir okkar betur. Þegar hughneiðgir eru skoðaðar er mikilvægt að hafa í huga:

• Ekkert hugsnið er gott eða slæmt, rétt eða rangt.

• Hughneigð er ekki það sama og færni – maður hefur mögulega áhuga á einhverju en er ekki mjög góður í því og öfugt.

• Hátt skor í einhverjum fjórðungi þarf ekki að þýða að þú hneigist til ALLRA þátta þess fjórðungs. 

• Hugsnið getur breyst, en aðeins ef fyrir því er sterk ástæða. 

• Maður getur þróað hugsun sína í fjórðungum sem maður hneigist minna til með skapandi hugæfingum.

​

NBI greingar eru samt mjög auðskiljanlegar og sá sem tekur NBI greiningu er fljótur að læra og skilja NBI-fræðin til að beita þekkingunni sér til hagsbóta í raunverulegum aðstæðum.

Kobus Neethling og teymi hans hefur unnið að NBI™ þannig að það er orðið mjög fágað og háþróað. 8 vídda líkanið af hughneigðum gefur kost á djúpri innsýn í hugsnið einstaklinga og hópa. Til glöggvunar og til að veita smá innsýn í hvað má lesa úr NBI-hugsniði með einföldum hætti er hér smá listi yfir hvað einkennir þá sem hafa ríka hughneigð í eftirtöldum ferningum: