
Ljúfa lífið - Lífeyrissparnaðar námskeið fyrir alla
Markmið
Markmiðið er að breyta hvernig við nálgumst lífeyrissparnað með því að draga úr áhyggjum og
kvíða, en setja þess í stað þekkingu og tilhlökkun.
Um námskeiðið
Ljúfa lífið er þegar við höfum lokið starfsævinni og förum ekki lengur í vinnu á hverjum degi en
þess í stað erum við í sumarfríi 52 vikur á ári og við viljum lifa og njóta. Til þess notum við
lífeyrissparnað og ýmsar aðrar leiðir. Á þessu námskeiði er farið yfir uppbyggingu
lífeyrissparnaðar og hvernig hver tegund virkar og nýtist.
-
Lögbundinn lífeyrissjóður
-
Tegundir lögbundinna lífeyrissjóða
-
Viðbótarlífeyrissparnaður
-
Tilgreind séreign
-
Fjárfestingarleiðir í viðbótarlífeyrissparnaði
-
Viðbótarlífeyrissparnaður til íbúðakaupa.
-
Skattlagning lífeyrissparnaðar
-
Frjáls sparnaður
-
Og margt fleira sem tengist lífeyrissparnaði
Það sem þátttakendur fá á námskeiðinu
Áhersla er á að fjalla um efnið á skiljanlegan, léttan og skemmtilegan hátt. Þátttakendur fá
samantektar verkefni til að nota til að endurskoða sinn lífeyrissparnað og skipuleggja til að
hámarka innkomu þegar Ljúfa lífið hefst. Einnig fá þátttakendur samantektar bækling til að nota
til upprifjunar.
Fyrir hverja
Námskeiðið hentar öllum sem hafa áhuga á að hámarka tekjur sínar í Ljúfa lífinu sama á hvaða
aldri þeir eru. Þeim mun fyrr sem við byrjum að skipuleggja þennan kafla í lífinu, því líklegra er
að hann til að verða okkur auðveldur og ánægjulegur. Námskeiðið hentar öllum óháð því í
hvaða tekjustigi þeir eru.
Fyrirkomulag
Námskeiðið getur verið í staðarkennslu eða fjarkennslu.
Námskeiðið er í boði á íslensku eða ensku.
Tímalengd er 2 klst eða sérsniðið eftir þörfum.
Nánar um kennarann
Þóra Valný Yngvadóttir hefur yfir 25 ára reynslu á fjármálamarkaði þar sem hún starfaði sem
fjármálaráðgjafi í Prudential Englandi og stjórnandi í Kaupþingi og Landsbankanum. Hún hefur
haldið fjölda fyrirlestra og námskeiða víðsvegar um landið um flest allt tengt fjármálum s.l. 25
ár.
Þóra Valný er viðskiptafræðingur með löggildinarpróf í fjármálaráðgjöf FPC frá
viðskiptaráðuneyti Bretlands. Hún er einnig með löggildingu í verðbréfaviðskiptum frá Háskóla
Íslands og ACC vottaður markþjálfi frá Háskólanum í Reykjavík. Í dag er Þóra Valný með
fyrirtækið Val og virði þar sem hún veitir einstaklingum fjármálaráðgjöf og heldur námskeið fyrir
fyrirtæki og stofnanir, um fjármál, söluþjónustu, persónulega stefnumótun og fleira.