Markmið​

Markmið námskeiðsins er að taka fjárhagslegu heilsuna í gegn þannig að þú njótir framúrskarandi fjárhagslegrar heilsu á þessu ári, með stöðugri yfirsýn og öflugu sparnaðar skipulagi.

 

Um námskeiðið​

Hér er á ferðinni námskeiðið sem beðið hefur eftir þar sem við tökum fjármálin í skoðun, rétt eins og við förum með bílinn í skoðun og gerum svo þær úrbætur sem við þurfum að gera til að allt gangi smurt og þægilega.

Fjárhagsleg heilsa felur í sér að fjármálin þín eru þannig í stakk búin að þau uppfylla þín markmið í nútíð og framtíð. Þá ertu með fjárhagslega meðvitund sem þýðir að þú veist nákvæmlega stöðuna á fjármálunum, í hvað þú notar peningana og í hvað þú vilt nota peningana þína í framtíðinni. 

Á þessu námskeiði er farið yfir hugarfarið tengt sparnaði og hvaða tækni þarf að beita til að ná markmiðum í sparnaði. Þetta er gert með sparnaðar skipulagi og aðferðum til að skipuleggja peningana betur þannig að til séu peningar fyrir sparnaði. Á sama hátt og við gætum að almennri heilsu okkar alla daga, þá viljum við fylgjast með fjárhagslegri heilsu okkar alla daga. Því til viðbótar tökum við mánaðarlega stöðuna á fjárhagslegri heilsu til að ákveða hvaða breytingar þarf að gera með breyttum aðstæðum í lífinu eða áherslum. Á námskeiðinu eru kennd auðveld aðferð til að öðlast þessa yfirsýn og vera alltaf með stjórnun á því í hvað peningarnir fara.

​​

​

Meðal þeirra spurninga sem er svarað er:

• Hvernig er best að spara?

• Í hvaða viðbótarlífeyrissparnað er best að spara?

• Er einhver munur á milli lífeyrissjóða?

• Á ég að taka tilgreinda séreign?

• Er sniðurgt að nota viðbótarlífeyrissparnað til að kaupa íbúð?

• Hvað er hlutdeildarlán og fyrir hverja?

• Hvernig á ég að hafa sparnaðarskipulagið mitt?

• Hvað er rómantískt reikningakvöld?

• Hvernig öðlast ég stöðuga yfirsýn yfir fjármálin?

• Hvað skiptir mestu máli þegar ég vel íbúðalán?

• Hvað er mikilvægast að vita um lán almennt?

​Og margt fleira tengt fjárhagslegri heilsu.​​​

 

Það sem þátttakendur fá á námskeiðinu

Áhersla er á að fyrir málin á mannamáli á léttan og skemmtilegan hátt. Þátttakendur fá skjal ti lað gera sína peningaáætlun, sparnaðarskipulag og peningayfirsýn. Einnig fá þátttakendur samantektar bækling til að nota til upprifjunar.

​

Fyrir hverja​

Námskeiðið hentar öllum einstaklingum sem vilja taka stöðuna á fjármálunum sínum og vilja vinna að því að efla sína fjárhagslegur heilsu til að njóta peninganna sinna. Námskeiðið er gagnlegt öllum einstaklingum, sama í hvaða tekjustiga þeir eru.  Mælt er með að hjón/par sitji námskeiðið saman.

 

Fyrirkomulag​

Námskeiðið getur verið í staðarkennslu eða fjarkennslu. Sjá hér að ofan hvenær næstu námskeið verða. 

Námskeiðið er í boði á íslensku eða ensku.

Tímalengd er 3 klst. 

​

Nánar um kennarann​​

Þóra Valný Yngvadóttir hefur yfir 25 ára reynslu á fjármálamarkaði þar sem hún starfaði sem fjármálaráðgjafi í Prudential Englandi og stjórnandi ráðgjafar í Kaupþingi og Landsbankanum.  Námskeið hennar hafa notið mikilla vinsælda og er þar sérstaklega vísað til einstakra hæfileika hennar til að fjalla um fjármál á mannamáli, tengja við daglegt líf og gera skemmtilegt.

 

Þóra Valný er viðskiptafræðingur með löggildinarpróf í fjármálaráðgjöf FPC frá

viðskiptaráðuneyti Bretlands. Hún er einnig með löggildingu í verðbréfaviðskiptum frá Háskóla

Íslands og ACC vottaður markþjálfi frá Háskólanum í Reykjavík. Í dag er Þóra Valný með

fyrirtækið Val og virði þar sem hún veitir einstaklingum fjármálaráðgjöf og heldur námskeið fyrir

fyrirtæki og stofnanir, um fjármál, söluþjónustu, stefnumótun og fleira.

​

​

​

​​