Markmið​

Markmið námskeiðsins er að öðlast framúrskarandi fjárhagslega heilsu með stöðugri yfirsýn og

öflugu sparnaðar skipulagi.

 

Um námskeiðið​

Fjárhagsleg heilsa felur í sér að fjármálin þín eru þannig í stakk búin að þau uppfylla þín

markmið í nútíð og framtíð. Þá ertu með fjárhagslega meðvitund sem þýðir að þú veist

nákvæmlega stöðuna á fjármálunum, í hvað þú notar peningana og í hvað þú vilt nota

peningana þína í framtíðinni. Á þessu námskeiði er farið yfir hugarfarið tengt sparnaði og hvaða

tækni þarf að beita til að ná markmiðum í sparnaði. Þetta er gert með sparnaðar skipulagi og

aðferðum til að skipuleggja peningana betur þannig að til séu peningar fyrir sparnaði.

Á sama hátt og við gætum að almennri heilsu okkar alla daga, þá viljum við fylgjast með

fjárhagslegri heilsu okkar alla daga. Því til viðbótar tökum við mánaðarlega stöðuna á

fjárhagslegri heilsu til að ákveða hvaða breytingar þarf að gera með breyttum aðstæðum í lífinu

eða áherslum. Á námskeiðinu eru kennd auðveld aðferð til að öðlast þessa yfirsýn og vera alltaf

með stjórnun á því í hvað peningarnir fara.

​​

​

Meðal þess sem er kennt:

• Sparnaðarskipulag

• Sparnaðaráætlun

• Aðferð til að breyta venjum.

• Breytingastjórnun

• Fljótleg aðferð fyrir mánaðarlega yfirsýn.

• Verkfæri til að viðhalda yfirsýn.

• Uppflettibæklingur til upprifjunar eftir námskeiðið.

​

​​​

Fyrir hverja​

Námskeiðið hentar öllum einstaklingum sem vilja taka stöðuna á fjármálunum sínum og vilja

stöðugt vinna að því að efla sína fjárhagslegur heilsu til að njóta sinna fjármuna sem best.

Námskeiðið er gagnlegt öllum einstaklingum, sama í hvaða tekjustiga þeir eru.

 

Fyrirkomulag​

Námskeiðið getur verið í staðarkennslu eða fjarkennslu.

Námskeiðið er í boði á íslensku eða ensku.

Tímalengd er 2 klst eða sérsniðið eftir þörfum.

​

Nánar um kennarann​​

Þóra Valný Yngvadóttir hefur yfir 25 ára reynslu á fjármálamarkaði þar sem hún starfaði sem

fjármálaráðgjafi í Prudential Englandi og stjórnandi í Kaupþingi og Landsbankanum. Hún hefur

haldið fjölda fyrirlestra og námskeiða víðsvegar um landið um flest allt tengt fjármálum s.l. 25

ár.

 

Þóra Valný er viðskiptafræðingur með löggildinarpróf í fjármálaráðgjöf FPC frá

viðskiptaráðuneyti Bretlands. Hún er einnig með löggildingu í verðbréfaviðskiptum frá Háskóla

Íslands og ACC vottaður markþjálfi frá Háskólanum í Reykjavík. Í dag er Þóra Valný með

fyrirtækið Val og virði þar sem hún veitir einstaklingum fjármálaráðgjöf og heldur námskeið fyrir

fyrirtæki og stofnanir, um fjármál, söluþjónustu, stefnumótun og fleira.

​

​

​

​​